Alþjóðleg athafnavika á Íslandi

Nýsköpunarnefnd FKA býður til fræðslufundar í Norræna Húsinu. Þar munum við hlýða á reynslusögur þriggja kvenna sem hafa látið hugmyndir sínar verða að veruleika. Hvað þarf til, hvernig komu þær sér af stað og hvaða reynslu geta þær miðlað áfram til kvenna sem standa í sömu sporum eða eru komnar með hugmynd að fyrirtæki framtíðarinnar? Dagskrá: Þórunn Jónsdóttir, formaður Nýsköpunarnefndar FKA og eigandi FAFU ehf. setur fund. Sýnd verða brot úr heimildarmyndinni Startup Kids sem þær Sesselja Vilhjálmsdóttir og Vala Halldórsdóttir hjá Matador Media eru að framleiða. Erla Gerður Sveinsdóttir – Heilsuborg: “Að fylgja eigin sannfæringu”. Ingibjörg Gréta Gísladóttir – Reykjavík Runway. Áskorarirnar í frumkvöðlabransanum og einfaldleikann við að ná árangri -Rannveig Sigfúsdóttir – Barnabros og Sigurborg. Hugmynd verður að veruleika. Aðgangur ókeypis – Kaffi og léttar veitingar til sölu. Nánari upplýsingar hér!

Nýsköpunarmessa Háskóla Íslands fer fram í dag kl 16 á Háskólatorgi og verða Hagnýtingarverðlaun HÍ þar veitt í 14.sinn. Nýsköpunarmessunni er m.a. ætlað að virkja nemendur Háskólans til nýsköpunar og að veita næstu kynslóð frumkvöðla innan skólans innblástur og hvatningu til að hrinda hugmyndum í framkvæmd. Markmiðið með Nýsköpunarmessunni er jafnframt að vekja fólk til umhugsunar um gildi nýsköpunar og athafnasemi fyrir samfélagið, senda jákvæð og uppbyggileg skilaboð til Íslendinga og gefa þjóðinni tilefni til að horfa björtum augum fram á veginn. Allir velkomnir!

Við eigum gott spjall um ferðaþjónustu í vændum á Trúnó (Laugavegi 22), föstudaginn 18.nóvember. Yfirskrift viðburðarins er “Að þekkja markhópinn sinn”. Spennandi örfyrirlestrar og spjall frá 11:00 – 12:00. Eva María Þórarinsdóttir Lange hjá Pink Iceland og Arnar Már Ólafsson hjá Íslenskum fjallaleiðsögumönnum fjalla um mikilvægi þess að þekkja markhópinn sinn.

Tilboð á ljúffengum veitingum

NÝSKÖPUN Í ORKUGEIRANUM – TÆKIFÆRI Í JARÐVARMA
Háskólinn í Reykjavík, Innovit og Landsvirkjun bjóða til hádegisfundar í dag, fimmtudaginn 17. Nóvember kl. 12:00-13:00.

Stund: kl. 12:00-13:00
Staður: Háskólinn í Reykjavík, V101 – ANTARES

Háskólinn í Reykjavík tekur virkan þátt í Alþjóðlegri athafnaviku eins og áður en hér er dagskrá HR í Athafnavikunni. Þar á bæ verður m.a. boðið upp á Lögfræðiþjónustu Lögréttu á milli kl 17 og 20  á morgun, miðvikudag, á fimmtudagsmorgun munu sérfræðingar á sviði tækniþróunar í farsímum halda erindi undir yfirskriftinni “Tækniþróun og nýjungar í notkun farsíma” og á föstudag milli 14 og 16 verður haldin málstofa um “Tækifæri og áskoranir í íslenskum fataiðnaði”. Við hvetjum alla til að kynna sér og sækja áhugaverða viðburði Háskólans í Reykjavík á Alþjóðlegri athafnaviku.

Dagskrá Alþjóðlegrar athafnaviku á Íslandi má finna í heild sinni HÉR

Alþjóðleg athafnavika hófst í gær með setningu viðburðarins TEDx Reykjavík í Hörpu. Að baki viðburðinum stóðu Innovit nýsköpunar- og frumkvöðlasetur, Hugmyndaráðuneytið og N1. Viðburðurinn var hinn glæsilegasti, fjölmargir íslenskir og erlendir fyrirlesarar komu fram og vel á annað hundrað gestir sóttu ráðstefnuna. Von er á fleiri flottum viðburðum í vikunni og ennþá er hægt að skrá viðburði hér á síðunni.

Það verður Draugagangur á Loka á fimmtudagskvöldið 17. nóvember. Sigurgeir Hilmar Friðþjófsson fer með draugasögu, Hrafna – Flóka verður fylgt eftir í máli og myndum. Sveinbjörg Hallgrímsdóttir grafíklistamaður hefur myndskreytt Hrafna-Flóka og er til sýnis á Loka í nóvember. Kristín Sveinsdóttir messósópran syngur draugalegar vísur. Draugasögur verða fluttar og fólk getur haft samband við okkur ef það á mergjaða sögu í fórum sínum sem það vill koma á framfæri. Heitt súkkulaði og kósýheit í myrkrinu áður en jólaljósin lýsa upp skammdegið.

Toppstöðin – orkuver hugvits og verkþekkingar – er frumkvöðlasetur í Elliðaárdal og hefur verið opið frumkvöðlum í tæp tvö ár. Markmið stöðvarinnar eru að styðja við nýsköpun á sviði hönnunar og vöruframleiðslu, stuðla að aukinni verðmætasköpun og sjálfbærni á Íslandi og að standa fyrir vitundarvakningu um mikilvægi hönnunar og framleiðslugreina á Íslandi.

Toppstöðin hýsir fjölbreyttan hóp frumkvöðla sem vinna að margvíslegri vöruþróun, m.a. á sviði vöruhönnunar, fatahönnunar og rafmagnsbíla. Í hópi Toppfólks eru hönnuðir, iðnaðarmenn og verkfræðingar.

Nokkrir frumkvöðlar og hönnuðir Toppstöðvarinnar verða með vinnustofur sínar opnar almenningi í Athafnavikunni fimmtudaginn 17.11. kl. 15 – 18. Áhugasömum gefst þá tækifæri á að kynna sér athafnasemi og verk eftirfarandi frumkvöðla og Toppfólks: Ingu Bjarkar Andrésdóttur fatahönnuðar, Dagnýjar Bjarnadóttur landslagsarkitekts, Droplaugar Benediktsdóttur og Fanneyjar Sesselju Ingólfsdóttur vöruhönnuða, Gunnars Sigfússonar og Halldórs Sigurþórssonar rafbílahönnuða og fleiri.

Fatahönnun:

IBA-The Indian in me

Í menningu og trúarlífi indjána er lögð mikil áheyrsla á fjölbreytileika hvers einstaklings. Engin manneskja er eins og því er enginn skartgripur nákvæmlega eins. Ekki einu sinni í hverju pari

fyrir sig. Eiginleiki hvers og eins heillar Ingu Björk Andrésdóttur fatahönnuð og hún leggur áherslu á að hver og einn finni eitthvað sem höfðar til sín í skartinu og fatnaðinum sem hún hannar og verði algjörlega hans án þess að aðrir eigi nákvæmlega eins.

Inga Björk Andrésdóttir útskrifaðist með B.A. gráðu í fatahönnun frá Listaháskóla Íslands vorið 2008 og er með vinnuaðstöðu í Toppstöðinni fyrir merkið sitt IBA-The Indian in me.

Gengið á gleri – landslagsarkitektúr:

DLD – Dagný Land Design

Dagný Bjarnadóttir landslagsarkitekt hefur að undanförnu unnið með grjót og endurunnið gler sem yfirborðsefni.  Efnið hefur  þann eiginleika að hleypa vatni í gegnum sig, þannig að yfirborð helst ávallt þurrt.  Unnt er að nota það á margvíslegan máta, t.d. umhverfis götutré og fá þá ræturnar nægan raka.

Dagný er jafnframt með ljós í vinnslu sem hlotið hefur vinnuheitið  „Flaskan mín fríð“, enda eingöngu unnið úr muldu drykkjargleri frá Endurvinnslunni.

Gestum gefst kostur á að skoða prufur Dagnýjar á vinnslustigi.

Dagný Bjarnadóttir útskrifaðist frá konunglega Landbúnaðarháskóla í Kaupmannahöfn með meistaragráðu í landslagsarktitektúr árið 1992.

Vöruhönnun

Hnoss

Fanney “Sísí” Ingólfsdóttir og Droplaug Benediktsdóttir eiga og reka vörumerkið Hnoss. Hugmyndin að Hnoss fæddist snemma árs 2011 og hefur verið í mótun síðan þá. Hnoss snýst um að skapa fallegar vörur og leikföng fyrir börn, þar er ímyndunaraflið fær á njóta sín og takmörkin eru engin. Í bígerð er fyrsta leikfang Hnoss, Gætrur, sem verður tilbúið snemma árs 2012. Gætrur merkir barnaleikir; falleg, gamaldags tréleikföng færð í nýjan og nútímalegri búning. Varan verður framleidd að öllu leyti hérlendis.

Á meðan að á vöruþróuninni stendur standa Hnossstúlkur í því að hanna tækifæriskort og aðrar fallegar prentvörur, allar framleiddar á Íslandi. Þær verða komnar  í sölu núna í nóvember.

Dagur rafbílsins

Í tilefni af Alþjóðlegri athafnaviku stendur Þróunarfélag rafbíla fyrir “Degi rafbílsins” í Toppstöðinni fimmtudaginn 17.11. kl. 15-18.  Hægt verður að kynna sér þróunarvinnu félagsins við umbreytingar á bensínknúnun bílum yfir í rafknúna bíla . Auk þess verða á staðnum rafbílar sem almenningi gefst kostur á að prufukeyra með rafbílamönnum á svæði Toppstöðvar. Kaffi á könnunni.

Jafnframt verða á staðnum verkfræðinemar frá Háskóla Íslands úr teyminu Uni. Iceland Racing Team sem hafa aðstöðu í Toppstöðinni við hönnun og þróun rafknúins kappakstursbíls, Uni. Iceland Racing Team Vinnum að hönnun og smíði rafknúins kappakstursbíls Uni. Iceland Racing Team Vinnum að hönnun og smíði rafknúins kappakstursbíls

Allir sem áhuga hafa á sköpun og frumkvæði eru hvattir til að koma. Kaffi á könnunni.

Í Miðvangi 1 á Egilsstöðum er fjölbreytt starfsemi frumkvöðla, fyrirtækja og einstaklinga með ólíka starfsemi.  Skortur hefur verið á kynningu á starfsemi sem þarna fer fram og munu fyrirtækin taka sig saman og standa fyrir opnu húsi föstudaginn 18. nóvember í tilefni Alþjóðlegrar athafnaviku.  Í hádeginu gefst Austfirðingum tækifæri á að fá sér léttan hádegisverð, hlusta á austfirska tónlistarmenn leika lög sín ásamt því að spjalla við starfsmenn þessara fyrirtækja og fá nánari kynningu á starfseminni sem þarna fer fram. Það er Heiður Vigfúsdóttir, framkvæmdastjóri Austurfarar og einn af talsmönnum Athafnavikunnar sem stendur fyrir viðburðinum. Fyrirtækin sem taka þátt í viðburðinum eru: Austurför, Ferðaskrifstofa Austurlands, Ferðaþjónustan Álfheimar, Austurnet, Kaskó, Sjóvá, Íslandsbanki, AN Lausnir, Rational Network og Héraðsprent og Hús handanna.

Athafnavikan verður sett formlega í Hörpu þann 14.nóvember næstkomandi í upphafi TEDx Reykjavík en það er Katrín Júlíusdóttir, iðnaðarráðherra sem mun gera það og jafnframt taka við fyrstu Athafnateygjunni. TEDxReykjavík er nú haldið í annað sinn á Íslandi og fer fram í Kaldalóni í Hörpu á milli 12.30 – 17.00. Á eftir verða bornar fram léttar veitingar. Miðaverð er 3000 krónur. Athugið að ráðstefnan fer fram á íslensku og ensku. Einungis 170 sæti í sölu.

Þema TEDx Reykjavík í ár er Technology, Entertainment, Design og opinn flokkur x (TEDx). Staðfestir frummælendur eru: Danielle Morill, Eric Koester, Ari Kristinn Jónsson rektor HR, Ingibjörg Gréta stofnandi og framkvæmdastjóri Reykjavík Runway og Guðrún Pétursdóttir formaður stjórnlaganefndar.

Miðasala fer fram á heimasíðu Hörpu. Tryggðu þér miða strax!